Իրանի նախագահ Մասուդ Փեզեշքիանի և Ամերիկայի Միացյալ Նահանգների նախագահ Դոնալդ Թրամփը նախնական խաղաղության համաձայնագիր են ստորագրել, փոխանցել է BBC-ն։
Ըստ կայքի՝ 60-օրյա փոխըմբռնման հուշագիրը նախատեսում է ռազմական գործողությունների դադարեցում բոլոր ճակատներում, այդ թվում՝ Լիբանանում, Թեհրանի դեմ պատժամիջոցների վերացում և Իրանի վերակառուցման հիմնադրամի ստեղծում:
«Այն ստորագրված է: Ստորագրվել է Վերսալում: Ես հենց նոր ստորագրեցի այն»,- հաստատել է Թրամփը Վերսալի պալատում Ֆրանսիայի նախագահ Էմանուել Մակրոնի հետ հանդիպումից հետո: Թրամփը նաև սպառնացել է վերսկսել հարձակումները, եթե Իրանը չկատարի իր պարտավորությունները:
Հունիսի 17-ին ԱՄՆ վարչակազմի պաշտոնյաները լրագրողներին հավաքել են Էվիանում G7-ի հանդիպման ժամանակ և կարդացել 14 կետանոց հուշագրի տեքստը:
Համաձայնագիրը երկարաձգում է ապրիլին հայտարարված հրադադարը ևս 60 օրով՝ կողմերին հնարավորություն տալով բանակցել մշտական հրադադարի շուրջ։
Թե՛ Թրամփը, թե՛ նրա թիմի անդամները ընդգծում են, որ սա առայժմ միայն հուշագիր է, և դրա դրույթները կիրականացվեն միայն այն դեպքում, եթե Իրանը «լավ վարվի»։
Հուշագիրը պարունակում է հետևյալ հիմնական կետերը՝
-Ռազմական գործողությունների դադարեցում ամբողջ տարածաշրջանում։
-Ռազմական գործողությունների անհապաղ և մշտական դադարեցում բոլոր ճակատներում, այդ թվում՝ Լիբանանում։
-Իրանական նավահանգիստների ԱՄՆ ռազմածովային շրջափակման դադարեցում 30 օրվա ընթացքում, որին կհաջորդի ԱՄՆ բոլոր ուժերի դուրսբերումը Իրանի սահմաններից վերջնական խաղաղության պայմանագրի ստորագրումից հետո 30 օրվա ընթացքում։
-Հորմուզի նեղուցի բացում։ Այն բաց կլինի նավերի համար անմաքս անցման համար 60 օր, որից հետո Իրանը, ըստ ԱՄՆ վարչակազմի պաշտոնյայի, «կաշխատի ոչ միայն Օմանի, այլև Պարսից ծոցի այլ պետությունների հետ՝ Հորմուզի նեղուցի վերաբերյալ ավելի լայն, ավելի երկարատև համաձայնագիր մշակելու համար»։
-300 միլիարդ դոլար՝ Իրանի վերակառուցման և զարգացման համար։ ԱՄՆ-ն, իր տարածաշրջանային գործընկերների հետ միասին, խոստանում է ստեղծել «Իրանի Իսլամական Հանրապետության վերակառուցման և տնտեսական զարգացման համար» հիմնադրամ՝ առնվազն 300 միլիարդ դոլարի չափով։
Ավելի վաղ լրատվամիջոցները հայտնել էին, որ Իրանն ԱՄՆ-ի հետ միջանկյալ համաձայնագրի ստորագրումից հետո անհապաղ քայլեր կձեռնարկի Հորմուզի նեղուցը վերաբացելու համար և կկարողանա առանց սահմանափակումների նավթ վաճառել։ Հունիսի 15-ին Իրանի և ԱՄՆ-ի միջև Պարսից ծոցում պատերազմի ավարտի մասին հուշագրի վերաբերյալ պայմանավորվածություններ էին ձեռք բերվել, որի պաշտոնական ստորագրումը նախատեսված է հունիսի 19-ին՝ Ժնևում։
