Հայկական պետական մանկավարժական համալսարանի (ՀՊՄՀ) գործը քննող իրավապահ մարմինները պարզել են, որ ԿԳՄՍ նախարար Ժաննա Անդրեասյանը որոշում է ստորագրել, որով համալսարանին թույլ է տրվել 50 մլն դրամ «Ամերիաբանկ»-ում մեկ տարով տոկոսներով տեղաբաշխել «կողմնակի եկամուտ ստանալու համար», հայտնում է «Ժողովուրդ» թերթը:
Մարտի 31-ին ՀՊՄՀ հոգաբարձուների խորհուրդն ընդունել էր համալսարանի կալանավորված ռեկտոր Սրբուհի Գևորգյանի առաջարկով պատրաստված թիվ 39 որոշումը: Փաստաթուղթը հավանության էր արժանացրել Անդրեասյանի կողմից՝ որպես խորհրդի նախագահի։ Հրապարակման մեջ նշվում է, որ «կողմնակի եկամուտ« ձևակերպումը քննչական մարմնի մոտ հարցեր է առաջացրել, քանի որ բանկային ավանդների տոկոսները համարվում են կրթական հիմնադրամի օրինական եկամուտ:
Հակակոռուպցիոն կոմիտեի կողմից իրականացվող քրեական վարույթի շրջանակներում հոկտեմբերի 17-ին ձերբակալվել էին Երևանի Խաչատուր Աբովյանի անվան հայկական պետական մանկավարժական համալսարանի ռեկտոր Սրբուհի Գևորգյանը և պրոռեկտոր Մարիաննա Հարությունյանը, ինչպես նաև համալսարանի մի շարք աշխատակիցներ։
Դատարանը Գևորգյանի նկատմամբ որպես խափանման միջոց կիրառել էր տնային կալանք և 20 մլն դրամի գրավ։ Համալսարանի հոգաբարձուների խորհուրդը կասեցրել էր ռեկտորի լիազորությունները:
