Վերաքննիչ դատարանը վերացրել է «Սրբազան պայքար» շարժման առաջնորդ Բագրատ արքեպիսկոպոս Գալստանյանի տեսակցության արգելքը և փոխել Արցախի ԱԺ պատգամավոր Դավիթ Գալստյանի և պահեստազորի գնդապետ Միհրան Մախսուդյանի խափանման միջոցը, հայտնել է փաստաբան Հովհաննես Խուդոյանը։
Նրա խոսքով՝ Բագրատ սրբազանի կալանքը դեռ պահպանվում է։ Փաստաբանը հավելել է, որ Գալստյանի և Մախսուդյանի խափանման միջոց կալանքը փոխարինվել է տնային կալանքով և գրավով։
Հունիսի 25-ին ԱԱԾ-ն խուզարկություններ էր իրականացրել «Սրբազան պայքար» շարժման աջակիցների բնակարաններում: Կալանավորվել էր 16 անձ իշխանությունը յուրացնելու և ահաբեկչություն նախապատրաստության մեղադրանքով: Նրանք մեղադրանքը չեն ընդունում:
