Հուլիսի սկզբին ձերբակալությունների նոր ալիք կարող է սկսվել, գրում է «Իրավունք» թերթը։
Ըստ թերթի տվյալների՝ թիրախում կհայտնվեն ոչ միայն ընդդիմադիրները, այլ նրանց հետ փոխկապակցված անձինք։ Նշվում է, որ ժամկետը պայմանավորված է Սահմանադրական դատարանի (ՍԴ) որոշման կայացման հետ։
Կենտրոնական ընտրական հանձնաժողովի վերջնական արդյունքներով՝ 18 քաղաքական ուժից ԱԺ է անցել «Քաղաքացիական պայմանագիրը» (64 մանդատ), «Ուժեղ Հայաստանը» (29 մանդատ), «Հայաստան» կուսակցությունների դաշինքը (12 մանդատ):
Խորհրդարանական ընտրություններին մասնակցած 18 քաղաքական ուժերից 7-ը հունիսի 19-ին վիճարկել էին քվեարկության արդյունքները ՍԴ-ում՝ պահանջելով դրանք անվավեր ճանաչել։ Որպես այլընտրանք՝ առաջարկվել է անցկացնել երկրորդ փուլ, կրկնակի քվեարկություն կամ էլ մանդատների բաշխման այլ կարգ կիրառելու առաջարկներ։ ՍԴ-ն ավելի ուշ միավորել էր ընտրությունները վիճարկելու վերաբերյալ 7 քաղաքական ուժերի դիմումը։
