Թուրքիայում Ստամբուլից Իրաք ուղևորվող ավտոբուսի վթարի հետևանքով վիրավորվել է 40 մարդ, այդ թվում՝ երեխաներ, հայտնում են թուրքական լրատվամիջոցները:
Վթարը տեղի է ունեցել ժամը 17:00-ի սահմաններում՝ Ակսարայ քաղաքի մոտակայքում՝ Անկարա-Նիղդե մայրուղու կենտրոնական մասում:
Նախնական քննության համաձայն՝ վարորդը կորցրել է կառավարումը, ինչի հետևանքով ավտոբուսը դուրս է եկել ճանապարհից և շրջվել: Ավտոբուսում գտնվող 37 ուղևորները, երկու վարորդները և ուղեկցորդը տեղափոխվել են Ակսարայի հիվանդանոցներ:




































