Հունիսի 27-ին Լոռու մարզի Փամբակ գետում հայտնաբերվել է ավտոմեքենա և տղամարդու դի, տեղեկացնում է ՆԳՆ փրկարար ծառայությունը։
Գերատեսչությունը դֆեպքի մասին ահազանգն ստացել է ժամը 10։56-ին։ Դեպքի վայր են մեկնել ՆԳՆ փրկարար ծառայության մարտական հաշվարկներ և ոստիկանության օպերատիվ խմբեր։
Ըստ նախնական տվյալների՝ Փամբակ գետում հայտնաբերվել է Opel մակնիշի ավտոմեքենա, վայրից մոտ 700 մ հեռավորության վրա՝ տղամարդու դի։
Փրկարարների և ոստիկանների համատեղ գործողությունների արդյունքում ժամը 12։50-ին գետից դուրս է բերվել տղամարդու դին, իսկ ժամը 15։50-ին՝ ավտոմեքենան։ Ձեռնարկվում են միջոցառումներ վարորդին հայտնաբերելու ուղղությամբ։
