«Ռոսսելխոզնադզորը» մայիսի 22-ից սկսած՝ ժամանակավոր սահմանափակումներ կկիրառի Հայաստանից ծաղիկների ներմուծման վրա, հայտնել է գերատեսչության մամուլի ծառայությունը:
Գերատեսչության տվյալներով՝ հայաստանյան ծագում ունեցող և այստեղից առաքվող ծաղկային արտադրանքի ներմուծման սահմանափակումները կգործեն մինչև ջերմոցների ստուգման ավարտը և արդյունքների վերլուծությունը: Նշվում է, որ «չնայած Հայաստանի սննդի անվտանգության տեսչության կողմից տրամադրված երաշխիքներին՝ ԵԱՏՄ-ի համար կարանտինի ենթակա ապրանքների նույնականացումը շարունակվում է»:
Կառույցն ավելի վաղ հայտարարել էր, որ Երևանի խնդրանքով նախատեսում է ստուգել հայկական բուսաբուծական ձեռնարկությունները: «Ռոսսելխոզնադզորը» նաև կստուգի հայկական ձեռնարկությունները, որոնց արտադրանքի առաքումները կասեցվել են կեղծման կասկածի պատճառով:
2025 թվականի հունիսին «Ռոսսելխոզնադզորը» հայտնել էր, որ Հայաստանից ներմուծված ծաղիկներում ավելի ու ավելի հաճախ են հայտնաբերվում «ԵԱՏՄ երկրների համար վտանգավոր» և կարանտինային վերահսկողության ենթակա ապրանքներ: Գերատեսչությունը նամակ էր ուղարկել Հայաստանի կարգավորող մարմիններին՝ կոչ անելով ուժեղացնել վերահսկողությունը: Հունիսի 16-ին Ռուսաստանը և Հայաստանը բանակցություններ էին վարել աճող խախտումների վերաբերյալ, իսկ հուլիսին ծաղկավաճառները բողոքի ակցիա էին անցկացրել ՀՀ կառավարության շենքի դիմաց՝ վկայակոչելով արտահանման հետ կապված խնդիրները։
