Ջերմուկի հատվածում ադրբեջանցիների ամրաշինական աշխատանքների ժամանակ անտառներ հատելը ՀՀ ԶՈՒ ԳՇ պետ Էդուարդ Ասրյանը բնական է որակել։ Նա այս մասին հայտարարել է լրագրողներին:
Միարժամանակ ԳՇ պետը մտահոգիչ է համարել հենց ՀՀ-ում ադրբեջանցիների գտնվելու փաստը, քան նրանց գործողությունները։
«Մենք դա ահազանգում ենք համապատասխան ճանապարհներով»,- հայտարարել է ԳՇ պետը:
Ասրյանը պնդել է, որ ամրաշինական աշխատանքերը կապ չունեն սահմանազատման գործընթացի արդյունքում հակառակորդի հեռանալու հետ։
«Բազմիցս ես էլ եմ ասել, գերատեսչության ղեկավարն էլ, ՀՀ վարչապետն էլ, որ մենք աշխատելու ենք, որ սահմանազատման ու սահմանագծման արդյունքում ՀՀ ինքնիշխան տարածքի ամբողջականությունը վերականգնվի»,- ասել է նա։
Թե ինչու հետ չգնացին ադրբեջանական զորքերը Ջերմուկի հատվածից, թեև խոստացել էր, Ասրյանը պատասխանել է, որ այդ պահին պետք էր այդպես ասել, բայց չի բարձրաձայնի՝ ինչու է ասել։
2022 թվականի սեպտեմբերի 13-ի կեսգիշերից ադրբեջանական զինուժը հրետանու, խոշոր տրամաչափի զինատեսակների և անօդաչու թռչող սարքերի կիրառմամբ սկսել էր գնդակոծել հայկական դիրքերն ու քաղաքացիական օբյեկտները Գորիսի, Սոթքի, Ջերմուկի և Սյունիքի, Գորիսի, Վայոց ձորի այլ բնակավայրերի ուղղությամբ։
Հակառակորդի մի շարք խմբեր մխրճվել էին ՀՀ տարածք, իսկ մեր ստորաբաժանումներից որոշ ուղղություններով գտնվում էին հակառակորդի շփման գծից առաջ, հայտարարել էր Ասրյանը։ Նա պնդել էր, որ ադրբեջանական ԶՈՒ-ն չունենալով պայմաններ, կլքի ՀՀ տարածքը։
2022 թվականի սեպտեմբերի 13-ի կեսգիշերից ադրբեջանական զինուժը հրետանու, խոշոր տրամաչափի զինատեսակների և անօդաչու թռչող սարքերի կիրառմամբ սկսել էր գնդակոծել հայկական դիրքերն ու քաղաքացիական օբյեկտները Գորիսի, Սոթքի, Ջերմուկի և Սյունիքի, Գորիսի, Վայոց ձորի այլ բնակավայրերի ուղղությամբ։
Հակառակորդի մի շարք խմբեր մխրճվել էին ՀՀ տարածք, իսկ մեր ստորաբաժանումներից որոշ ուղղություններով գտնվում էին հակառակորդի շփման գծից առաջ, հայտարարել էր Ասրյանը։ Նա պնդել էր, որ ադրբեջանական ԶՈՒ-ն չունենալով պայմաններ, կլքի ՀՀ տարածքը։
