Դատարանը Վրաստանի նախկին նախագահ Միխեիլ Սաակաշվիլիին և Պետական անվտանգության հատուկ ծառայության նախկին ղեկավար Թեյմուրազ Ջանաշիային պարտավորեցրել է Վրաստանի բյուջե վճարել մոտ 9 միլիոն լարի (3,3 միլիոն դոլար), տեղեկացնում է Sputnik Грузия-ն։
Ըստ կայքի՝ երկուսն էլ մեղադրվում են մի խումբ անձանց կողմից իրենց պաշտոնական դիրքն օգտագործելով նախնական դավադրությամբ խոշոր չափերի անօրինական յուրացման մեջ։
Մարտին Սաակաշվիլին այս գործով դատապարտվել էր ութ տարվա ազատազրկման, իսկ Ջանաշիան՝ պարտավորվել էր վճարել 300 լարի տուգանք։ Սաակաշվիլին և Ջանաշիան չեն ընդունում իրենց մեղքը և հայտարարել են, որ դատավարությունը քաղաքական դրդապատճառներ ունի։
Մարտի 17-ին Թբիլիսիի քաղաքային դատարանը Սաակաշվիլիին դատապարտել էր չորս տարի վեց ամիս ժամկետով ազատազրկման՝ Վրաստանի պետական սահմանը անօրինական կերպով հատելու համար։ Սաակաշվիլին, ի վերջո, կկրի 12,6 տարի պատիժ, գրում է կայքը։
Սեպտեմբերի 27-ին Վրաստանի իշխանությունները հայտարարել էին, որ հոկտեմբերին նախատեսում են դիմել Սահմանադրական դատարան՝ պահանջելով հակասահմանադրական ճանաչել «Միասնական ազգային շարժում» կուսակցությունը, որը հիմնադրել է Սաակաշվիլին, ինչպես նաև մյուս միավորումները, որոնք կիսում են նրա քաղաքական գիծը։
