Իրանի ՀՕՊ համակարգերը խոցել են Իսրայելի ռազմաօդային ուժերի F-35 կործանիչ, տեղեկացնում է IRIB-ը՝ հղում անելով Իրանի բանակի հասարակայնության հետ կապերի վարչությանը։
Հաղորդագրության համաձայն՝ օդաչուն դուրս է ցատկել կործանիչից, նրա ճակատագիրը ներկայումս անհայտ է։ Այլ մանրամասներ չեն հաղորդվում։
Իրանը հունիսի 13-ին բալիստիկ հրթիռների կիրառմամբ հարվածներ էր հասցրել Իսրայելին՝ ի պատասխան Թել Ավիվի՝ ավելի քան 200 կործանիչի կիրառմամբ հունիսի 13-ի գիշերվա հարձակման, որի հետևանքով իրանցի բարձրաստիճան զինվորականներ են զոհվել: ՀՀ ԱԳՆ-ն դատապարտել էր Իսրայելի հարձակումն Իրանի վրա։
Հունիսի 14-ին Միջուկային և ռադիացիոն անվտանգության գիտատեխնիկական կենտրոնը հայտնել էր, որ Հայաստանի հարավում ռադիոակտիվ ֆոնի փոփոխություն չկա։
Կարդացեք նաև՝
Փորձագետները գնահատել են Հայաստանի հնարավոր քայլերը` Իսրայելի կողմից Իրանի վրա հարձակման ֆոնին
