Ժամը 13։30-ից սկսած «Զվարթնոց» օդանավակայանում չվերթերն իրականացվում են բնականոն հունով, Armenia Today-ին հայտնեց «Զվարթնոց» օդանավակայանի մամուլի քարտուղար Լուսինե Մողրովյանը։
Նա նշեց, որ սպասարկվում են չվացուցակով սահմանված բոլոր չվերթերը։
Ապրիլի 22-ին Երևան և Երևանից մեկնող բոլոր 12 չվերթ հետաձգվել էր։ Մողրովյանն Armenia Today-ին հայտնել էր, որ պատճառը վազքուղու վերանորոգման աշխատանքներն են։ Ըստ օդանավակայանի պաշտոնական կայքի՝ հետաձգվել էին Երևանից դեպի Կապան, Վենետիկ, Աբու Դաբի, Շարժա, Դուբայ, ինչպես նաև Մոսկվայից, Վենետիկից, Աբու Դաբիից, Շարժայից, Դուբայից, Կապանից դեպի Երևան չվերթերը։ Հայաստանի քաղաքացիական ավիացիայի կոմիտեի նախագահի օգնական Լիլիթ Աղաբեկյանը հայտնել էր, որ թռիչքուղու գծանշման աշխատանքները նախապես ծրագրված էին։
