Սփյուռքը կայսրություն է, որն անտեսում է իր ուժը, հայերին ու Հայաստանի բարեկամներին ուղղված իր կոչում ասել է ֆրանսահայ դերասան, դրամատուրգ Սիմոն Աբգարյանը:
Դերասանի խոսքով՝ պետք է շարունակել պայքարը։ «Պայքարել նշանակում է կազմակերպել, արհեստավարժ դարձնել բոլոր գործող մարմինները ու հետո ասել, որ կան մարդիկ, ովքեր ուզում են մեզ վերացնել։ Ասում ենք՝ ամոթ Ամերիկային, ամոթ Եվրամիությանը: Նրանք իրականում չեն ամաչում, որովհետև մենք հասել ենք մի կետի, երբ քաղաքական էթիկան բացարձակապես արատավորվել, կերվել ու մարսվել է փողով»,- ասել է դերասանը։
Աբգարյանի կարծիքով՝ իրենք նավթ ունեն, մենք՝ Սփյուռք։ Բայց այդ նավթը զտված է և պայթյունավտանգ, իսկ մենք՝ դեռ ոչ։
«Վերջապես պետք է արթնանալ ու հասկանալ, որ մեր դիմաց ճակատ է: Մենք միասին չենք կանգնած, մենք ցրված ենք։ Ես խոսում եմ ձեզ հետ, մեզ՝ Սփյուռքի հետ։ Հիմա, կրկնում եմ, Սփյուռքը կայսրություն է, որն անտեսում է իր ուժը»,- եզրափակել է նա։
