Շուշին երբեք «առևտրի առարկա» չի եղել։ Այս մասին իր տեսաուղերձում հայտարարել է ՀՀ նախկին ԱԳ նախարար Վարդան Օսկանյանը։
«Շուշին եղել է Արցախի անքատելի մաս։ Ադրբեջանը երբեք չի բարձրացրել այդ հարցը բանակցություններում։ Այն դիտարկվել է միայն ադրբեջանցի փախստականների այնտեղ վերադառնալու համատեքստում»,-նշել է Օսկանյանը։
Ըստ նրա՝ «Մադրիդյան փաստաթղթում» ամրագրվում էր, թե արցախահայությունն իրենց ինքնորոշումն ինչպես են իրացնելու։ «Արցախի համար ընտրվելու էր միջանկյալ կարգավիճակ, մյուս շրջանները վերադարձվելու էին Ադրբեջանին։ Ադրբեջանը ստանալու էր 5 շրջան, Լաչինն ու Քելբաջարը մնում էր հայկական վերահսկողության տակ մինչև հանրաքվեի անցկացումը։ Մյուս տարբերակում նույնպես նախատեսվում էր 5 շրջանների վերադարձը, իսկ Լաչինն ու Քելբաջարի համար սահմանվում էր որոշակի վերադարձի ժամկետ՝ 5 տարի կամ 3 տարի և այլն, և չէին սպասելու հանրաքվեի անցկացմանը»,-հայատարարեց Օսկանյանը։
Ըստ նրա՝ Սերժ Սարգսյանը գնաց այս ճանապարհով և իր ժամկետի ավարտին ամեն ինչ դեռ տեղում էր։ «Մեր պաշտոնաթողությունից հետո Սերժ Սարգսյանը կարողացել է պահպանել բանակցությունների հավասակշռությունը»,-հայտարարել է նա։
«Ես Նիկոլ Փաշինյանի հետևյալ խորոհւրդը կտայի 2018-ին։ Զրոյական կետից մի սկսեք, գնացեք վերջին տարբերակով, բնակցեք Լաչինի և Քելբաջարի հարցով որոշակի ժամկետով»,-հայտարարեց նա։ Ըստ նրա, եթե Նիկոլ Փաշինյանը գնար այդ ճանապարհով, ապա ԼՂ-ն այսօր կլիներ ամբողջական։
Օսկանյանը հայտնեց, որ պատերազմի հետո հանդիպել է Փաշինյանի, որոշակի գրավոր առաջարկություններ է ներկայացրել։ «Մի նվաստացրեք այդ ձերքբերումը (նկատի ունի «Մադրիդյան սկզբունքները»)։ Այն ինչ Նիկոլ Փաշինյանն ուզում է այսօր անել, դրա այլընտրանքը կա»,-հայատարարեց նա։
