Մեծ Բրիտանիայի թագավոր Չարլզ III-ը Ռիշի Սունակին նշանակել է վարչապետ և խնդրել նրան կառավարություն կազմել: Այս մասին հայտնում է Interfax-ը՝ վկայակոչելով բրիտանական լրատվամիջոցներին։ Սունակը կմեկնի Մեծ Բրիտանիայի վարչապետի նստավայր՝ նոր պաշտոնում առաջին ելույթով հանդես գալու համար:
Ավելի վաղ հայտնել էինք, որ Մեծ Բրիտանիայի նոր վարչապետ է դարձել Ֆինանսների նախարարության նախկին ղեկավար Ռիշի Սունակը։ Նա ինքնաբերաբար է դարձելԲրիտանիայի վարչապետ այն բանից հետո, երբ Համայնքների պալատի ղեկավարը հանեց իր թեկնածությունը և Սունակը մնաց միակ թեկնածուն: Սունակը, ով 42 տարեկան է՝ Բրիտանիայի ամենաերիտասարդ վարչապետը 1783 թվականից ի վեր:
Հիշեցնենք, որ ավելի վաղ Մեծ Բրիտանիայի վարչապետ Լիզ Թրասը հրաժարական էր տվել: Թրասը Պահպանողական կուսակցության ղեկավար և Մեծ Բրիտանիայի վարչապետ էր ընտրվել այս տարվա սեպտեմբերին:
