Մենք արդեն հայտարարել ենք, որ պատրաստ ենք ըստ անհրաժեշտության ռուսերենով կրթական ծառայության մատուցել։ Այս մասին ճեպազրույցի ժամանակ ասաց ԿԳՄՍ նախարար Վահրամ Դումանյանը՝ պատասխանելով Armenia Today-ի թղթակցի հարցին, թե ինչ պահանջով է որոշվել ՀՀ դպրոցներում ավելացնել ռուսաց լեզվի դասարանները, ռուսաց լեզվի ուսուցիչների թիվը։
Նա նշել է, որ վերջին շրջանում, ինչպես հայտնի է, մեզ մոտ ՌԴ-ից իրենց ընտանիքներով քաղաքացիներ են գալիս, փոխվել է նաև գործարար միջավայրը։
«Մենք հայտարարել էինք, որ եթե ռուսերենով կրթական ծառայություն մատուցելու հարց առաջանա, ապա պարտրաստ ենք ու մեր ծրագրով կբացենք նոր դասարաններ, որ այդ երեխաները կրթություն ստանալու հնարավորություն ունենան։ Այլ միտում մի փնտրեք»,- ասաց նա։
Անդրադառնալով Armenia Today-ի մյուս հարցին, թե այս օրերին բուհերում ակցիաներ են կազմակերպվում, ուսանողներին կոչ է արվում միանալ՝ նա նշեց․ «Ակցիաները դասապրոցեսին չեն խանգարում։ Ժողովրդավարական սկզբունքների շրջանակում երիտասարդների մի խումբ մի ակցիա է անում, մեկ այլ խումբ՝ մեկ այլ ակցիա»։
Մանրամասները՝ տեսանյութում։
