Գազայի հատվածում հրադադարի և պատանդների դիմաց դատապարտյալների փոխանակման համաձայնագրի շրջանակներում Իսրայելի բանտերից ազատ կարձակվի ցմահ ազատազրկված 250 պաղեստինցի, հայտարարել է ՀԱՄԱՍ-շարժման ղեկավար Խալիլ ալ-Հեյան, փոխանցում է ՏԱՍՍ-ը։
«Կիրականացնենք գերիների փոխանակում. ազատ կարձակվի ցմահ բանտարկության դատապարտված 250 անձ, ինչպես նաև 2023 թվականի հոկտեմբերի 7-ից հետո ձերբակալված 1700 պաղեստինցի։ Բացի այդ, ազատ կարձակվեն բանտում գտնվող բոլոր պաղեստինցի անչափահասները և կին բանտարկյալները»,- հայտարարել է նա։
Խոսելով Գազայի մասին՝ ԱՄՆ նախագահ Դոնալդ Թրամփը հայտարարել է, որ այն բնակության համար պիտանի չէ, բայց ապագայում կվերականգնվի տարածաշրջանի հարուստ երկրների մասնակցությամբ։ Նա չի պատասխանել հարցին, թե արդյոք պաղեստինցիները կարո՞ղ են վերադառնալ Գազայի հատվածում գտնվող իրենց լքված տները։
Իսրայելը և ՀԱՄԱՍ-ը հոկտեմբերի 9-ին համաձայնության էին եկել խաղաղության ծրագրի առաջին փուլի շուրջ: Համաձայնագրի շրջանակներում ՀԱՄԱՍ-ը համաձայնել էր ազատ արձակել բոլոր պատանդներին; Իսրայելն, իր հերթին, պարտավորվել էր զորքերը դուրս բերել համաձայնեցված գծեր։ Ըստ Թրամփի՝ պատանդները, ենթադրվում է, ազատ կարձակվեն հաջորդ երկուշաբթի։
ԱՄՆ նախագահն այս զարգացումն անվանել էր «երկարատև և կայուն խաղաղության հասնելու առաջին քայլ»։
