ԱՄՆ նախագահ Դոնալդ Թրամփը հայտարարել է, որ ամերիկացի զինվորականներն Իրանում «շատ ուժգին տարբերակներ» են դիտարկում՝ երկրում ցույցերի ֆոնին, հայտնում է BBC-ն:
Թրամփը նշել է, որ իրանցի պաշտոնյաները զանգահարել են իրեն բանակցությունների համար, սակայն հավելել է, թե հնարավոր է՝ ԱՄՆ-ն ստիպված լինի գործել մինչև հանդիպումը:
Նա դեռ չի մանրամասնել, թե ԱՄՆ-ն ինչ է դիտարկում ռազմական տարբերակների տեսանկյունից, ոչ էլ առաջարկվող բանակցությունների մասին այլ մանրամասներ հայտնել:
Իրանի իշխանությունները մի քանի անգամ արդեն հայտարարել են պատասխան հարվածների մասին ԱՄՆ-ի միջամտության դեպքում:
Իրանում բողոքի ցույցերը շարունակվում են դեկտեմբերի 28-ից: Ի սկզբանե դրանք պայմանավորված էին տնտեսական ծանր իրավիճակով և ազգային արժույթի փոխարժեքի անկմամբ, բայց շուտով ձեռք են բերել նաև քաղաքական ենթատեքստ: Իրանագետ Տիգրան Դավուդյանը հունվարի 11-ին հայտնել էր Իրանում հայ ցուցարարի մահվան մասին։
