Մազերդ հարդարեք այնպես, կարծես ջրից նոր եք դուրս եկել, դա 2023 թվականի ամառվա գլխավոր թրենդն է, գրում է «The Symbol» պարբերականը։
Ամառը ոճավորման լավագույն ժամանակը չէ, տնից ներս մտնելուց կես ժամ անց, այնպիսի տեսք ունես, ասես մազերդ ընդհանրապես չես հարդարել։ Բարեբախտաբար, ներկայիս միտումների շարքում կային ոճավորումներ, որոնք չեն վախենում ո՛չ շոգից, ո՛չ խոնավությունից, ո՛չ քամուց, ո՛չ էլ նույնիսկ չափավոր անձրևից։ Իհարկե, խոսքը վարսերի «թաց» ոճավորման մասին է։
«Թաց մազերի» էֆեկտը կարծես երբեք չի հեռանում նորաձևության ասպարեզից: Իհարկե, այլ տարբերակները հաճախ առաջին տեղում են թրենդների ցանկում, սակայն այս անգամ պատվավոր առաջին տեղն է զբաղեցրել «թաց» ոճավորումը։ Նրանք ամենուր են՝ պոդիումներում, կարմիր գորգի վրա, նորաձևության մայրաքաղաքների փողոցներում և ինֆլենսերների սոցիալական ցանցերում։ Նման ոճավորման հանրաճանաչությունը միանգամայն հասկանալի է. դրանք անսովոր տեսք ունեն և արդյունավետ կերպով լրացնում են ցանկացած, նույնիսկ ամենահիմնական կերպարը, ինչպես նաև շատ դիմացկուն են: Առավոտյան ժամանակ հատկացնելը ձեր մազերին «խոնավ» հյուսվածք հաղորդելու համար ձեզ կփրկի ձեր մազերի մասին անհանգստանալուց մինչև օրվա վերջ:
