Հայաստանի բասկետբոլի մինչև 16 տարեկանների հավաքականը երրորդ անընդմեջ հաղթանակը տարավ Երևանում ընթացող ՖԻԲԱ-ի մինչև 16 տարեկանների Եվրոպայի առաջնության C դիվիզիոնում, հայտնել է Հայաստանի բասկետբոլի ֆեդերացիան։
Խմբային փուլի նախավերջին խաղում Հայաստանի հավաքականը 97-90 հաշվով հաղթել է Մալթային։ Հուլիսի 5-ին Հայաստանի հավաքականը հաղթել էր Անդորրային։
Միխայիլ Պետրովը ճանաչվել է խաղի MVP՝ վաստակելով 14 միավոր, կատարելով 17 անդրադարձ և վեց փոխանցում։ Դմիտրի Գաջյանը գլխավորել է Հայաստանի հավաքականը 31 միավորով։
Խմբային փուլի վերջին խաղը Հայաստանի հավաքականը կանցկացնի հուլիսի 9-ին, ժամը 19:00-ին՝ Մոնակոյի դեմ։
