Armenia Today-ի խմբագրակազմը պատրաստել են Հայաստանի հետաքրքիր իրադարձությունների ընտրանի, որին կարող եք այցելել առաջիկա հանգստյան օրերին։
Բենքսիի մուլտիմեդիա ցուցահանդես
Օգոստոսի 19-ին՝ ժամը 21:00-ին, Մաշտոցի 7Ա հասցեում տեղի կունենա մուլտիմեդիա շոու՝ նվիրված անգլիացի անդերգրաունդ ուղղության սթրիթ-արտ նկարչի, քաղաքական ակտիվիստի և ռեժիսորի աշխատանքին, որը 1990-ականներից աշխատում է Բենքսի կեղծանունով, արտիստի իրական անունն է անհայտ է։ Կազմակերպիչները խոստանում են այցելուին խորասուզել 21-րդ դարի ամենառեղծվածային նկարչի տիեզերքում։ Կազմակերպիչների հաճոյախոսությունը կլինի մի բաժակ փրփրուն գինին: Տոմսի արժեքը նախապես գնելու դեպքում 3500 դրամ է, միջոցառման օրը՝ 4000 դրամ։
Հարրի Փոթերի վիկտորինան
Թափահարեք ձեր գավազանները, քանի որ Հոգվարթսը կոչ է անում իր բոլոր կախարդներին և մագլներին մասնակցել Հարրի Փոթերի այս վիկտորինային: Հոգվարթսի դասախոսները պատրաստել են վիկտորինա, որտեղ կարող եք գալ ձեր հրաշագործ ընկերների հետ և մրցել այլ թիմերի հետ, իսկ եթե միայնակ կախարդ եք, եկեք և հանդիպեք ձեր նման ընտրյալներին։ Օգոստոսի 19-ին, ուղիղ ժամը 19:19-ին Զաքյան 8 հասցեում։ Գրանցումը պարտադիր է։
Ինտերակտիվ դասախոսություն «Ինչպես են աշխատում զգայարանները. լսողություն և հոտառություն»
Շաբաթ օրը՝ ժամը 13.00-ին, տեղի կունենա զգայարանների մասին առաջին ինտերակտիվ դասախոսությունը։ Միջոցառմանը կմասնակցեն քիթ-կոկորդ-ականջաբան Լյուբով Ֆիլիպովան՝ Չայկա կլինիկայից և Յուլիա Դևետյարովան՝ Sciencely-ից։ Դասախոսությունը ներառում է տեսական և ինտերակտիվ մաս, որտեղ երեխաները և մեծահասակները կկարողանան գործնականում ուսումնասիրել զգայարանների աշխատանքը։ Միջոցառման մուտքը նվիրատվությամբ:
Պարապլաներային սպորտի գավաթ Սևանում
Օգոստոսի 19-ին Սևանում կկայանա պարապլաներային վայրէջքի ճշգրտության գավաթի մրցույթ։ Փորձառու օդաչուներն ամբողջ աշխարհից կցուցադրեն իրենց ճշգրտությունն ու կառավարելիությունը՝ գետնին համապատասխան թիրախի վրա վայրէջք կատարելով, մինչդեռ հյուր խմբերն ու դիջեյները կդարձնեն մթնոլորտն ավելի թեժ: Մուտքն ազատ է։
Լատինական օր Սևանում
Օգոստոսի 20-ին՝ ժամը 10։00-ից 22։00-ը Շորժա լողափում կանցկացվի տոն՝ Լատինական օր, ինչը նշանակում է, որ պարեր են լինելու։ Կազմակերպիչները խոստանում են շատ պարեր՝ սալսա, բաչատա, կիզոմբա, կարելի է նաև լողալ, տարբեր խաղեր խաղալ և վայելել բնությունն ու լիճը։ Մասնակցության վճար՝ 12 000 դրամ, որը ներառում է մուտք, տրանսպորտ, սնունդ և լատինական երեկույթ։
«Կախարդական ավտոբուս» ներկայացում
Օգոստոսի 20-ին՝ ժամը 19:00-ին, Բեբուկ շարժական թատրոնն Անգլիական այգում կազմակերպում է «Կախարդական ավտոբուս» ինտերակտիվ տիկնիկային ներկայացում։ Սա արկածային ճանապարհորդություն է դեպի հեքիաթների աշխարհ, որի ընթացքում երեխաներն ինտերակտիվ խաղերի միջոցով կսովորեն հետիոտների անցման և երթևեկության կանոնները։ Ներկայացումը նախատեսված է 5-10 տարեկան երեխաների համար։ Հասցե՝ Բեբուկ թատրոն։ Տոմսի արժեքը՝ 2500 դրամ։
Խաղաղ և արևային հանգստյան օրեր։
