«Անկախ դիտորդ»-ը պահանջում է ՔՊ-ի համերգները դիտարկել որպես քարոզչական և իրավական գնահատական տալ

Ապրիլի 19-ին Գյումրիում կայացած և ապրիլի 25-ին Երևանում նախատեսվող համերգները պետք է դիտարկվեն որպես իշխող ուժի՝ «Քաղաքացիական պայմանագիր» կուսակցության քարոզչական միջոցառումներ, հայտնել է «Անկախ դիտորդ»-ը։ 

Ըստ հայտարարության՝ այդ միջոցառումների ֆինանսավորումը պետք է իրականացվեր «Կուսակցությունների մասին» օրենքի պահանջներին համապատասխան, մինչդեռ արձանագրված տվյալները չեն տեղավորվում օրենքով սահմանված սահմանափակումների շրջանակում։

Այս հիմքով «Անկախ դիտորդ»-ը դիմում է ներկայացրել Կոռուպցիայի կանխարգելման հանձնաժողով՝ պահանջելով իրավական գնահատական տալ նշված հանգամանքներին։

Միևնույն ժամանակ, կազմակերպությունը հայտնում է, որ ենթադրյալ խախտումներ է արձանագրել նաև «Իմ քայլը հիմնադրամ-ի գործունեության մեջ։ Մասնավորապես, խոսքը վերաբերում է վերջին ամիսներին իրականացված ծրագրերին և դրանց ֆինանսական ու վարչական կողմերին։

Դաշինքը դիմել է Վարչական դատարան՝ պահանջելով վարչական պատասխանատվության ենթարկել հիմնադրամի գործադիր մարմնի ղեկավար Աննա Հակոբյան-ին՝ 15 առանձին դրվագով։

Հակակոռոպցիոն կոմիտեում «Իմ քայլը» հիմնադրամին առնչվող քրեական վարույթ չկա, փետրվարին Armenia Today-ին հայտնել էին Հակակոռուպցիոն կոմիտեից։ 

Կարդացեք նաև՝ 

«Իմ քայլը» հիմնադրամն արձագանքել է անանուն նվիրատուների մասին հրապարակմանը

«Իմ քայլը» հիմնադրամը հերքել է ֆինանսական կորուստներ ունենալու մասին մամուլի հրապարակումները

«Անվայել է», նախկին տիկիններն ամեն հարցում ճի՞շտ էին. քաղաքացիները՝ Աննա Հակոբյանի՝ իր հանդեպ քննադատության արձագանքի մասին