Արարատի մարզի Շաղափ համայնքի հարակից տարածքում տեղի ունեցած ճանապարհատրանսպորտային պատահարի հետևանքով 1 անձ է մահացել, 4-ը՝ ստացել մարմնական վնասվածքներ, տեղեկանում ենք ՆԳՆ տարածած հաղորդագրությունից։
Քննչական կոմիտեն Armenia Today-ին հայտնել է, որ երեխայի մահվան դեպքի առթիվ հարուցվել է քրեական գործ։ Գործը հարուցվել է ՀՀ քրեական օրենսգրքի 342-րդ հոդվածի 2-րդ մասով՝ ճանապարհային երթևեկության կանոնների կամ տրանսպորտային միջոցների շահագործման կանոնների խախտում, որն անզգուշորեն հանգեցրել է մարդու մահվան։ Նշանակվել են համապատասխան դատաբժշկական փորձաքննություններ, կատարվում է նախնական քննություն։
Shamshyan.com-ը մանրամասներ է հայտնել վթարի մասին։ Մայիսի 24-ին՝ ժամը 18։50-ի սահմաններում, Վեդի համայնքի Ուրցաձոր-Շաղապ ավտոճանապարհին բախվել են GAZ 3110 և VAZ 2121 մակնիշի ավտոմեքենաները։ Վթարի հետևանքով տարբեր աստիճանի վնասվածքներով 4 տուժած տեղափոխվել է Վեդիի բժշկական կենտրոն։ ԲԿ-ում ավելի ուշ իրավապահներին հայտնել են տուժածներից մեկի մահվան մասին։
