Հայաստանի ֆուտբոլի ազգային հավաքականը 2026 թվականի աշխարհի առաջնության ընտրական փուլի չորրորդ տուրում 0։1 հաշվով պարտվել է Իռլանդիային, հայտնում է Հայաստանի ֆուտբոլի ֆեդերացիան։
Հայաստանի հավաքականը 52-րդ րոպեին մնացել էր 10 ֆուտբոլիստով․ մրցակցի դեմքին հարվածելու համար կարմիր քարտով խաղադաշտից հեռացվել է թիմի ավագ Տիգրան Բարսեղյանը։ Միակ գոլը խփել է Էվան Ֆերգյուսոնը՝ 70-րդ րոպեին։
Հաջորդ հանդիպումը Հայաստանի հավաքականը կանցկացնի նոյեմբերի 13-ին՝ Հունգարիայի դեմ։
Սեպտեմբերի 6-ին աշխարհի 2026թ․ առաջնության որակավորման փուլի մեկնարկային տուրում Հայաստանի հավաքականը Երևանի Վազգեն Սարգսյանի անվան «Հանրապետական» մարզադաշտում խոշոր՝ 0։5 հաշվով պարտվել էր Պորտուգալիայի ընտրանուն։ Սեպտեմբերի 9-ին կայացած որակավորման փուլի 2-րդ տուրի խաղում Հայաստանի հավաքականը 2։1 հաշվով հաղթել էր Իռլանդիային։ Հոկտեմբերի 11-ին Հայաստանի հավաքականը 3-րդ տուրում 0։2 հաշվով պարտվել էր Հունգարիային։
