Անտառային հրդեհները երկու մարդու կյանք են խլել արևմտյան Թուրքիայում, քիչ հայտնի Children of Fire («Կրակի երեխաներ»- AT) խումբն իր վրա է վերցրել հրկիզման պատասխանատվությունը, տեղեկացնում է Reuters-ը:
Խումբը պնդել է, որ կապված է Քրդական բանվորական կուսակցության (PKK) հետ, որը Թուրքիայում, ԱՄՆ-ում և Եվրամիությունում համարվում է ահաբեկչական կազմակերպություն։
Արևմտյան Թուրքիայի Իզմիր նահանգում հրդեհները մոլեգնում են արդեն յոթերորդ օրն անընդմեջ՝ ստիպելով շուրջ 50 000 մարդու տարհանել և վնասելով շուրջ 200 տուն։
Հրդեհաշիջման աշխատանքները շարունակվում են ուղղաթիռների և օդից ջուր թափող ուղղաթիռների մասնակցությամբ։ Դեպի ծովափնյա Չեշմե հանգստավայր տանող որոշ ճանապարհներ փակվել են։ Իրավիճակը վատթարանում է շոգ, չոր եղանակի և ուժեղ քամիների պատճառով:
