ՀՀ գլխավոր դատախազ Աննա Վարդապետյանի եղբայրը՝ Տիգրան Վարդապետյանը, աշխատանք է ստացել «Հայաստանի էլեկտրական ցանցեր»-ում, գրել է «Հրապարակ»-ը։
Ըստ թերթի՝ նա Նորք Մարաշ վարչական շրջանի ղեկավարի տեղակալն էր, և իր դիմումի համաձայն՝ նախորդ ամիս ազատվել էր պաշտոնից։ Այժմ նա ՀԷՑ-ի տնօրեն Նարեկ Կարապետյանի խորհրդականն է, որը «Տաշիր» ընկերությունների խմբի նախագահ, ՀԷՑ սեփականատեր Սամվել Կարապետյանի եղբորորդին է։
Մամուլի հարցերին, թե միանո՞ւմ է արդյոք Վարդապետյանը ՀԷՑ-ի հայտարարելությանը, որը լիակատար աջակցությունն է հայտնում Կարապետյանին, պատասխանել է, որ խորհրդակցության է, ավելի ուշ կապ կհաստատի, սակայն ավելի ուշ նրա հեռախոսը դարձել է անհասանելի:
Կարապետյանը հունիսի 17-ին մեկնաբանել էր Հայ Առաքելական եկեղեցու դեմ Հայաստանի իշխանությունների արշավը, որից հետո Ներքին գործերի նախարարության հատուկ նշանակության ստորաբաժանումները խուզարկություններ էին սկսել «Տաշիր» ընկերությունների խմբի նախագահի տանը՝ Երևանում։ Վարչապետը խիստ էր արձագանքել Կարապետյանի հայտարարությանը:
ՆԳՆ-ից Armenia Today-ին մեկնաբանել էին, որ Կարապետյանի առանձնատան մոտ «մի խումբ անձինք բերման են ենթարկվել, իրականացվում են օպերատիվ գործողություններ»։ Խուզարկության մեկնարկից մոտ ութ ժամ անց՝ գիշերը ժամը երեքին, Սամվել Կարապետյանը ոստիկանների ուղեկցությամբ դուրս էր եկել իր առանձնատնից և տեղափոխվել ՆԳՆ կազմակերպված հանցագործությունների դեմ պայքարի գլխավոր վարչություն, այնուհետև՝ Քննչական կոմիտե:
Ավելի ուշ ՔԿ-ն Armenia Today-ին հայտնել էր իշխանությունը զավթելու կոչեր անելու մեղադրանքով Կարապետյանին կալանավորելու միջնորդության մասին։ Ինքը՝ գործարարը, չի ընդունում մեղադրանքը և մտադիր է բողոքարկել այն բոլոր ատյաններում։ Կարապետյանի մամուլի ծառայությունն այս մեղադրանքներն անվանել էր ակնհայտ վախեցնելու և բռնաճշման փորձ։
Հունիսի 19-ին դատարանը երկու ամսով կալանավորել էր Կարապետյանին:
Կարդացեք նաև՝
ՔԿ-ն Սամվել Կարապետյանին կալանավորելու միջնորդություն է ներկայացրել դատարան
