Հայ մարզիկներն արծաթե և բրոնզե մեդալներ են նվաճել Սկոպյեում ընթացող ազատ ոճի ըմբշամարտի Եվրոպայի U17 առաջնությունում, հայտնում է Հայաստանի ըմբշամարտի ֆեդերացիան։
48 կգ քաշային կարգում Արտակ Աղաբեկյանը դարձել է արծաթե մեդալակիր: Եզրափակչում Աղաբեկյանը 0։4 հաշվով զիջել է ադրբեջանցի Ռավան Հասանզադեին:
Արմեն Պապիկյանը (55 կգ) առաջնությունում բոնզե մեդալ է նվաճել: Բրոնզե մեդալի համար գոտեմարտում Պապիկյանը 12։2 հաշվով հաղթել է բելառուս Գլեբ Պետրովին։
Ըմբշամարտի U17 ԵԱ-ում հունահռոմեական ոճի ըմբշամարտի Հայաստանի պատանեկան հավաքականը թիմային հաշվարկում առաջին տեղն էր զբաղեցրել։ Հայաստանի հավաքականը նվաճել էր 5 մեդալ: Հայկ Մանուկյանը (60 կգ) և Մարատ Աճեմյանը (51 կգ) դարձել էին առաջնության ոսկե մեդալակիրներ, Մարտին Մանջիկյանը (48 կգ) և Ջանես Նազարյանը (65 կգ) նվաճել էին արծաթե, իսկ Արարատ Ավետիսյանը՝ (45 կգ) բրոնզե մեդալներ:
