ՀՀ վարչապետ Նիկոլ Փաշինյանին անվստահություն հայտնելու գործընթացում նախկին իշխող Հանրապետական կուսակցությունից վարչապետի թեկնածուն կլինի կուսակցության ՀՀԿ փոխնախագահ Արմեն Աշոտյանը, գրում է «Հրապարակ» թերթը՝ հղում անելով իր աղբյուրներին։
Թերթի տեղեկություններով՝ ընդդիմադիր ուժն այս մասին կհայտարարի առաջիկա օրերին։ Լրատվականը նշել է, որ ԱԱԾ նախկին տնօրեն Արթուր Վանեցյանը նախկինում դիտարկվում էր որպես ՀՀԿ-ի վարչապետի թեկնածու, սակայն այժմ ընտրությունը փոխվել է Աշոտյանի թեկնածության օգտին։
Հունիսի 6-ին ՀՀԿ-ն «Պատիվ ունեմ» խմբակցությանն առաջարկել էր վարչապետին անվստահություն հայտնելու գործընթաց սկսել։ Կուսակցության գործադիր մարմինն առաջարկել էր վարչապետի «որակյալ» թեկնածու առաջադրել «ՀՀԿ խորհրդի փորձառու և բարձր որակավորում ունեցող անդամներից»։
Հայաստանում ընդդիմությունը վարչապետին իմփիչմենթի ենթարկելու երկու նախաձեռնություն է առաջ քաշել։ Ապրիլին ընդդիմադիր գործիչներ Նարեկ Մալյանն ու Էդգար Ղազարյանը իմփիչմենթ անցկացնելու կոչով դիմել էին խորհրդարանի պատգամավորներին:
Ընդդիմադիր «Պատիվ ունեմ» դաշինքը պատրաստակամություն էր հայտնել աջակցել այս նախաձեռնությանը, մինչդեռ «Հայաստան» դաշինքը կասկածի տակ էր դրել նախաձեռնության հեղինակների անկեղծությունն ու Փաշինյանին հեռացնելու համար նախ փողոցային ճնշումների կոչ էր արել:
«Քաղաքացիական պայմանագիր» խմբակցությունից ավելի վաղ դուրս եկած պատգամավորներ Հակոբ Ասլանյանն ու Հովիկ Աղազարյանը վարչապետի պաշտոնում առաջարկել էին ՀՀ հատուկ հանձնարարարություններով դեսպան նախկին դեսպան Էդմոն Մարուքյանի թեկնածությունը, և բանակցություններ սկսել խորհրդարանական խմբակցությունների հետ:
