Հակակոռուպցիոն կոմիտեն ձերբակալել է Սննդամթերքի անվտանգության տեսչական մարմնի (ՍԱՏՄ) ղեկավար Արմեն Դանիելյանին, Armenia Today-ին հայտնել են ՍԱՏՄ աղբյուրները։
Տեսչական մարմնի մեր աղբյուրները տեղեկացրին, որ Դանիելյանին Հակակոռուպցիոն կոմիտեն ձերբակալել է երկու կասկածանքով։
«Դանիելյանը նախորդ տարվա դեկտեմբեր ամսվա ՍԱՏՄ աշխատակիցների պարգևավճարներն է յուրացրել։ Բացի դրանից, մեկ տարվա 30 տոննա բենզինի կտրոնները նախ բաժանել է ըստ կարիքի, ապա հավաքել ու վաճառել»,- հավելել են մեր աղբյուրները։
Նա պաշտոնից ազատման դիմում էր ներկայացրել ապրիլի 30-ին, այդ պաշտոնն զբաղեցնում էր 2024 թվականի նոյեմբերի 11-ից:
Մայիսի 1-ին մամուլը գրել էր, որ Դանիելյանի ազատման պատճառը կառույցում հայտնաբերված չարաշահումներն են։
