Մյանմայում տեղի ունեցած երկրաշարժի զոհերի թիվն ապրիլի 3-ի դրությամբ հասել է 3085-ի, հայտնում է «Ռիա Նովոստին»՝ հղում անելով պաշտոնական տվյալներին։
Տուժածների թիվը 4715 է, հավելել է կայքը։
Ապրիլի 2-ի համեմատ՝ ապրիլի 3-ին զոհերի թիվն ավելացել է 199-ով։
Մարտի 28-ին Մյանմայում 7,7 մագնիտուդով երկրաշարժ էր տեղի ունեցել: Ցնցումներն զգացվել էին նաև Բանգլադեշում, Հնդկաստանում, Թաիլանդում, Լաոսում և Չինաստանում: Մարտի 28-ին ՀՀ ԱԳՆ-ն ցավակցել էր և հայտնել, որ Մյանմայում տեղի ունեցած երկրաշարժի հետևանքով զոհվածների շրջանում ՀՀ քաղաքացիներ լինելու վերաբերյալ տվյալներ այդ պահին չկան։
