Իսրայելի հյուսիսում գտնվող Հայֆա քաղաքում անհայտ անձինք հարձակվել են անցորդների վրա, հայտնում է The Times of Israel-ը։
Կայքը, հղում անելով ոստիկանությանը, հայտնել է, որ ահաբեկիչներից մեկը հրազեն է օգտագործել, մյուսը՝ դանակ։
Հարձակումը տեղի է ունեցել Հայֆայի ավտոկայանում։ Տուժածների վիճակը գնահատվում է ծանր և միջին ծանրության։ Իսրայելի Մագեն Դեյվիդ Ադոմի բժշկական ծառայությունը հաստատել է, որ 4 մարդ վիրավորվել է։ Վերջին տեղեկություններով՝ նրանցից երեքի վիճակը ծանր է՝ 30-ամյա տղամարդ և կին, ինչպես նաև 15-ամյա դեռահաս։ 70-ամյա կնոջ վիճակը միջին ծանրության է։
Հարձակման հետևանքով մահացել է 70-ամյա տղամարդ, տեղեկացնում է կայքը։
Հունվարի 18-ին Թել Ավիվում անհայտ անձը դանակով հարձակվել էր անցորդների վրա։ Վիրավորվել էր 20-ամյա մի երիտասարդ։ Նա լուրջ վնասվածքներ էր ստացել և հոսպիտալացվել։
