Ըմբշամարտի ԱԱ․ Վազգեն Թևանյանը ջախջախիչ հաղթանակ է տարել ադրբեջանցու նկատմամբ

Սերբիայի մայրաքաղաք Բելգրադում անցկացվող ըմբշամարտի աշխարհի առաջնությանը Հայաստանը ներկայացնող ըմբիշ, Եվրոպայի չեմպիոն, Աշխարհի անհատական Գավաթի խաղարկության հաղթող, Մ23 Եվրոպայի առաջնության կրկնակի չեմպիոն, 65 կգ քաշային Վազգեն Թևանյանը ջախջախիչ հաղթանակ է տարել ադրբեջանցի Հաջի Ալիևի նկատմամբ, տեղեկանում ենք Հայաստանի ըմբշամարտի ֆեդերացիայից։

Նա 12:2 հաշվով հաղթել է մրցակցին՝ դուրս գալով կիսաեզրափակիչ։

Այսօր հայտնել էինք, որ Սերբիայի մայրաքաղաք Բելգրադում անցկացվող ըմբշամարտի աշխարհի առաջնությանը հաղթական մեկնարկներ են ունեցել Հայաստանը ներկայացնող մարզիկները։ 65 կգ քաշային Վազգեն Թևանյանը պայքարն սկսել էր 1/16 եզրափակչից։ Նյուգրուն Սկրյաբինի հետ մրցապայքում Թևանյանը 9-0 հաշվով հաղթանակ էր տարել։ 97 կգ քաշային Սերգեյ Սարգսյանը պայքարն սկսել էր 1/32-ից և ուժերը չափել շվեյցարացի Սամուել Շերերի հետ։ Մեկնարկային գոտեմարտում Սարգսյանն 8:6 հաշվով հաղթել էր շվեյցարացի Շերերին։ Հայաստանը ներկայացնող ըմբիշ Արսեն Հարությունյանը ևս շանս չէր տվել մրցակցին սփոփիչ գոտեմարտում։ Արսեն Հարությունյանը 10:0 հաշվով հաղթել էր չինացի մրցակցին։

Սերբիայի մայրաքաղաք Բելգրադում սեպտեմբերի 16-ին մենկարկած ըմբշամարտի աշխարհի առաջնությունը, որը վարկանիշային է Փարիզի Օլիմպիական խաղերի համար, հայ մարզիկները հաղթանակով էին մեկնարկել։  Աշխարհի առաջնության մեդալակիր, 57 կգ քաշային Արսեն Հարությունյանը պայքարն սկսել էր որակավորման փուլից և ուժերը չափել ուկրաինացի Կամիլ Կերիմովի հետ։ Հարությունյանը հաղթանակել էր 14։3 հաշվով։ Մինչև 23 տարեկանների Եվրոպայի փոխչեմպիոն և Մ23 ԱԱ բրոնզե մեդալակիր, 74 կգ քաշային Հրայր Ալիխանյանը որակավորման փուլում հանդիպել էր վենեսուելացի Մոնտերո Չիրինոսի հետ։ Ալիխանյանը Չիրինոսի նկատմամբ հաղթանակ էր տարել։