ԱՄՆ-ի Կոնգրեսի վերին պալատը փետրվարի 13-ին կայացած նիստի ընթացքում իմփիչմենթի ընթացակարգի շրջանակներում արդարացրել է երկրի նախկին նախագահ Դոնալդ Թրամփին: Այս մասին հայտնում է ТАСС-ը:
Իմփիչմենտը չի հավաքել անհրաժեշտ ձայների երկու երրորդը, և, այդպիսով, Թրամփն արդարացվել է խռովության հրահրման մեղադրանքով:
ԱՄՆ-ի պատմության մեջ առաջին անգամ մեկ նախագահի նկատմամբ իմփիչմենթի երկու գործընթաց է անցկացվել։
Իմփիչմենտի շրջանակներում գործընթացը սկսվել է փետրվարի 9-ին։ Հիշեցնենք, որ հունվարի 6-ին, երբ Կոնգրեսը պնդում էր նախագահական ընտրությունների արդյունքները, Թրամփը Վաշինգտոնում հանրահավաք էր անցկացրել իր կողմնակիցների համար և կոչ արել նրանց գնալ Կապիտոլիումի մոտ: Դրանից հետո ամբոխը պաշարել է Կապիտոլիումը, ներխուժել շենք և ջարդեր իրականացրել այնտեղ։ Այս պահին հայտնի է 5 զոհի մասին։ Կապիտոլիումի շենքում սպանվել է ռազմաօդային ուժերի կին վետերանը: Կոնգրեսում դեմոկրատների առաջնորդները հայտարարել են, որ պատրաստ են Թրամփին իմփիչմենտ պատրաստել անկարգությունների ենթադրյալ հրահրման համար: Թրամփի կառավարության երկու նախարարներ հրաժարական են տվել՝ ի նշան բողոքի: ԱՄՆ նորընտիր նախագահ Ջո Բայդենը հայտարարել է, որ Թրամփն ի վիճակի չէ կատարել իր պարտականությունները։
