«Ուժեղ Հայաստան» դաշինքը Լոռու մարզի բնակիչներին նոր հացահատիկային կոմբայն է նվիրել, հայտարարել է դաշինքի ընտրական ցուցակի առաջին համարի պատգամավորի թեկնածու Նարեկ Կարապետյանը։
Նրա խոսքով՝ նվիրաբերված գյուղտեխնիկան կծառայի Գյուլագարակ, Կուրթան և Գարգառ համայնքներին։ Կարապետյանը մանրամասնել է, որ Ստեփանավանի տարածաշրջանի գյուղերի բնակիչները դաշինքի ներկայացուցիչների հետ հանդիպումների ժամանակ բարձրացրել էին գյուղատնտեսական տեխնիկա գնելու հարցը։
Կարապետյանը նշել է, որ գյուղացիներն ստիպված էին տեխնիկա վարձակալել Գեղարքունիքի մարզից, ինչը թանկ է և հանգեցնում է բերքի մոտ 20% կորստի։
Դաշինքի ներկայացուցիչ Հարություն Մնացականյանը հայտնել է, որ կոմբայնի արժեքը գերազանցում է 40 մլն դրամը։ Նրա խոսքով՝ այս տեխնիկայի օգտագործումը թույլ կտա գյուղացիներին կրճատել հացահատիկի բերքահավաքի ծախսերը մոտ 10%-ով, քանի որ նրանք ստիպված չեն լինի կոմբայն վարձակալել, այլ կվճարեն միայն վառելիքի և վարորդի աշխատանքի գումարը։
