Իսպանիայի ազգային հավաքականը երկրորդ անգամ նվաճել է ֆուտբոլի աշխարհի առաջնության գավաթը՝ լրացուցիչ ժամանակում 1:0 հաշվով հաղթելով գործող չեմպիոն Արգենտինային, հայտնել է Fifa-ն։
Հանդիպման հիմնական ժամանակն ավարտվել է գոլազուրկ ոչ-ոքիով, իսկ միակ և հաղթական գոլը գրանցվել է լրացուցիչ ժամանակում․ 106-րդ րոպեին աչքի է ընկել Ֆերրան Տորեսը։
Արգենտինացի Լիոնել Մեսսին դարձել է բրազիլացի Կաֆուից հետո աշխարհի առաջնության երեք եզրափակչում մասնակցած երկրորդ ֆուտբոլիստը, սակայն չի կարողացել օգնել Արգենտինային՝ պաշտպանել չեմպիոնի տիտղոսը։
Միաժամանակ՝ Արգենտինան գրանցել է եզրափակիչների պատմության հակառեկորդ՝ դառնալով աշխարհի առաջնությունների եզրափակիչներում առաջին հավաքականը, որը հիմնական 90 րոպեի ընթացքում ոչ մի հարված չի կատարել ո՛չ դարպասի ուղղությամբ, ո՛չ էլ դարպասին։
Խաղի վերջնամասում Արգենտինայի կիսապաշտպան Էնսո Ֆերնանդեսը կարմիր քարտ է ստացել, իսկ եզրափակիչ սուլիչից հետո երկու թիմերի ֆուտբոլիստների միջև բախում է տեղի ունեցել։
