Արցախից 2020 և 2023 թվականների պատերազմների հետևանքով բռնի տեղահանվածներն օրենքով պարտավորված չեն լինի ծառայել բանակում կամ գումար վճարել պետությանը, եթե Հայաստանի քաղաքացիություն են ստացել զինվորական տարիքը լրանալուց հետո։ Որոշումն ընդունվել է կառավարության ապրիլի 23-ի նիստում՝ հաշվի առնելով պատերազմների հետևանքով տեղահանվածների ծանր վիճակում հայտնվելը։
Ընդհանուր կարգի համաձայն՝ 27 տարին լրացած և նոր քաղաքացիություն ստացած տղամարդիկ պետք է կա՛մ մեկ տարի ծառայեն, կա՛մ վճարեն 2,5 մլն դրամ։ Նույնը վերաբերում է նաև նախկինում ծառայությունից խուսափած անձանց, որոնք կարող են ազատվել քրեական պատասխանատվությունից՝ փոխհատուցում վճարելով կամ ծառայելով։ Այս պահանջները չեն տարածվի բռնի տեղահանվածի կարգավիճակ ունեցող անձանց վրա։
2024-ի հունվարիին ԱԺ-ն ընդունել էր գումարի դիմաց 27 տարին լրացածներին ծառայությունից և պատժից ազատելու նախագիծը։ Օրենքով 27-37 տարեկան քաղաքացուն հնարավորություն է տրվում անցնել պարտադիր զինծառայության։ Նրանց հնարավորություն է տրվում զինվորական ծառայություն անցնել 12 ամիս ժամկետով՝ վճարելով 2,5 մլն դրամ։ 6 ամիս ժամկետով ծառայելու ցանկության դեպքում կարող են վճարել 5 մլն դրամ, 1 ամիս ժամկետով՝ 10 մլն դրամ, կարող են վճարել 15 մլն դրամ վճարել ու ընդհանրապես չծառայել։
