Արտենի գյուղի մոտակայքում տեղի ունեցած ավտովթարի հետևանքով կան տուժածներ և զոհ, հայտնել է ՀՀ ներքին գործերի նախարարության փրկարար ծառայությունը:
Առողջապահության նախարարության տվյալներով՝ հոսպիտալացվել է 11 տուժած, որից 3-ը գտնվում է վերակենդանացման բաժանմունքում։ Նրանց առողջական վիճակը գնահատվում է ծայրահեղ ծանր։
Մյուս 5 տուժածի առողջական վիճակը ծանր է, 3-ինը` թեթև:
ՆԳՆ-ի տվյալներով՝ ՃՏՊ-ի մասին ահազանգն ստացվել է հունիսի 22-ին՝ ժամը 06։15-ին: Բախվել են Ford և ZIL մակնիշների ավտոմեքենաները։
























