Զինծառայող Վահան Խաչատուրի Պետրոսյանի մահվան դեպքի առթիվ նախաձեռնվել է քրեական վարույթ, Armenia Today-ին հայտնեց Քննչական կոմիտեի մամուլի խոսնակ Կիմա Ավդալյանը։
Ըստ նրա՝ նշանակվել է դիակի դատաբժշկական փորձաքննություն: Կատարվում է նախաքննություն: ՔԿ-ն չի հստակեցրել, թե ինչ հոդվածով է քրեական վարույթը։
ՊՆ N զորամասի զինծառայողի դին հրազենային վնասվածքով հայտնաբերվել էր հունվարի 14-ին։
Պաշտպանության նախարար Սուրեն Պապիկյանը հունվարի 13-ին հայտարարել էր, որ 2025 թվականի հունվարի 1-ից դեկտեմբերի 31-ն ընկած ժամանակահատվածում մահացել կամ սպանվել է, ընդհանուր առմամբ, 30 զինծառայող, որոնցից 6-ը՝ ծառայության հետ կապված հանգամանքներում, իսկ 24-ը՝ ծառայության հետ կապ չունեցող, այդ թվում՝ ճանապարհատրանսպորտային պատահարներ, կենցաղային վթարներ և հնարավոր հիվանդություններ։
