MMA.Metaratings.ru-ին տված բացառիկ հարցազրույցում հայտնի ռուս մարտիկ Վյաչեսլավ Վասիլևսկին մեկնաբանել է UFC-ի որոշումը՝ Ջասթին Գեթջիի և Փեդի Փիմբլեթի միջև անցկացնելու թեթևքաշային կարգի ժամանակավոր տիտղոսի մենամարտը՝ շրջանցելով դիվիզիոնի թիվ մեկ հավակնորդ Արման Ծառուկյանին։
«Չգիտեմ, թե ինչու է նման բան տեղի ունեցել։ Սա հիասթափություն է մեր տարածաշրջանի MMA երկրպագուների համար։ Ամենամեծ հիասթափությունը հենց Արմանի համար է։ Տղան ամեն ինչ արեց, որպեսզի ստանա այս հնարավորությունը։ Նա սկսեց մարզվել բառացիորեն մենամարտից անմիջապես հետո։ Բայց UFC-ն այլ ծրագրեր ուներ։ Ինչ վերաբերում է մեզ՝ ռուսներին, մենք այդքան էլ չենք հետաքրքրվում նման ծրագրերով»,- ասել է Վասիլևսկին։
Ավելի վաղ հայտարարվել էր, որ Գեթջին և Փիմբլեթը կմենամարտեն թեթևքաշային կարգի ժամանակավոր տիտղոսի համար UFC 324-ում, որը կկայանա հունվարի 24-ին։
Գործող տիտղոսակիր Իլյա Թոփուրիան դադար է վերցրել անձնական հանգամանքների պատճառով և չի մասնակցի 2026 թվականի առաջին եռամսյակին։
