Կատարի մայրաքաղաք Դոհայում UFC Fight Night 265 մրցաշարի գլխավոր մենամարտում Հայաստանը ներկայացնող Արման Ծառուկյանը վաղաժամ հաղթանակ է տարել նորզելանդացի Դեն Հուքերի նկատմամբ, հայտնել է Chempionat.com-ը։
Ծառուկյանը (23-3) երկրորդ ռաունդում խեղդող հնարքով է հաղթել մրցակցին (24-13) և հնարավորություն ստացել պայքարելու թեթև քաշային կարգի տիտղոսի համար։
Առաջին ռաունդում Հուքերն աշխատել է հեռավորության վրա, իսկ Ծառուկյանը հաջողությամբ գործել է կլինչում և մենամարտը տեղափոխել պարտեր: Երկրորդ հատվածում Ծառուկյանը խեղդող հնարք է կիրառել, որն ստիպել է մրցակցին հանձնվել։
Ծառուկյանը 2024 թվականի ապրիլից ընդմիջումից հետո վերադարձել է օկտագոն՝ 5-րդ անընդմեջ հաղթանակով։ Հուքերն ընդհատել է երեք հաղթանակի շարքը: Նա կարող է տիտղոսային մենամարտի իրավունք ստանալ։
Մարտին Ծառուկյանն ընդգրկվել էր UFC-ի (Ultimate Fighting Championship) լավագույն մարտիկների վարկանիշում։
