Հայաստանի վարչապետ Նիկոլ Փաշինյանը սեպտեմբերի 3-ին Չինաստանում կմասնակցի Երկրորդ համաշխարհային պատերազմի ավարտին նվիրված տոնական միջոցառումներին, «Արմենպրես»-ին հայտնել է ՀՀ-ում Չինաստանի դեսպան Լի Սինվեյը։
Ադրբեջանական լրատվամիջոցներն էլ հաղորդել են, որ այդ երկրի նախագահ Իլհամ Ալիևը ևս նախատեսում է մեկնել Պեկին՝ մասնակցելու տոնական միջոցառումներին:
Պեկինի Տյանանմենի հրապարակում ռազմական շքերթին, որ նվիրված է չինացի ժողովրդի՝ ճապոնացի զավթիչների դեմ դիմադրության պատերազմի և Երկրորդ համաշխարհային պատերազմի հաղթանակի 80-ամյակին, կմասնակցեն նաև այլ երկրների ղեկավարներ, նրանց թվում են՝ Ռուսաստանի նախագահ Վլադիմիր Պուտինը, ԿԺԴՀ ղեկավար Կիմ Չեն Ընը, Իրանի նախագահ Մասուդ Փեզեշքիանը, Սերբիայի նախագահ Ալեքսանդր Վուչիչը, Սլովակիայի վարչապետ Ռոբերտ Ֆիցոն, Պակիստանի վարչապետ Շահբազ Շարիֆը, ինչպես նաև Բելառուսի, Ղազախստանի, Ուզբեկստանի, Տաջիկստանի, Ղրղզստանի և Թուրքմենստանի նախագահներ Ալեքսանդր Լուկաշենկոն, Կասիմ-Ժոմարտ Տոկաևը, Շավքաթ Միրզիյոևը, Էմոմալի Ռահմոնը, Սադիր Ժապարովը և Սերդար Բերդիմուհամեդովը և այլք:
