Վերաքննիչ վարչական դատարանը երկու ամսով երկարաձգել էր «Տաշիր» ընկերությունների խմբի նախագահ Սամվել Կարապետյանի կալանքը։
Փաստաբան Լիաննա Գասպարյանը հայտնել է, որ դատարանը բոլոր առաջադրված մեղադրանքներից հիմնավորված է համարել միայն «իշխանությունը զավթելու հրապարակային կոչերի» վերաբերյալ մեղադրանքը, իսկ մնացած մեղադրանքների մասով, որոնք առաջադրվել էին, արձանագրել է հիմնավոր կասկածի բացակայություն։
Կարապետյանի պաշտպանական կողմը նախատեսում է դիմել Վերաքննիչ քրեական դատարան՝ որոշումը բողոքարկելու։ Գործարարի պաշտպանության խորհուրդը դատարանի վճիռը որակել է «անտրամաբանական»:
Armenia Today-ի նկարահանող խումբը քաղաքացիներից հետաքրքրվել է, թե արդարացի՞ են համարում Կարապետյանի կալանքի երկարաձգումը, ինչպե՞ս են վերաբերվում դատարանի այդ որոշմանը:
Քաղաքացիների մեծամասնությունը քննադատել է Կարապետյանի կալանքի երկարաձգումը՝ նշելով, որ որոշումը սխալ էր։ Քաղաքացիներից մի քանիսն էլ խուսափել է պատասխանելուց՝ մատնանշելով հարցի քաղաքական բնույթը։
«Շատ վատ է կալանքի երկարաձգումը, միայն լավն եմ լսել Կարապետյանի մասին»,- ասել է քաղաքացիներից մեկը։
Հարցվածներից մեկն էլ ընդգծել է, որ Կարապետյանի նկատմամբ գործընթացը «սխալ է, և նրա նման մարդուն չէր կարելի կալանավորել»։
Քաղաքացիներից մեկի խոսքով՝ «Կարապետյանին կալանավորելը հանցագործություն է»։ Քաղաքացիներից մեկն էլ, ընդգծելով, որ իշխանության ոչ բոլոր քայլերին է դեմ, սակայն, ըստ նրա, Կարապետյանին 2 ամսով կրկին կալանավորելը ճիշտ չէր։
«Երկու ամիսը ամբողջովին բավարար էր պարզելու համար»,- հավելել է քաղաքացին։
Քաղաքացիներից մեկն էլ շեշտել է, որ Կարապետյանի բանտախցում այլ մարդ պետք է լինի։
«Կարապետյանին պետք է ազատել ու իր բանտախցում այլ մարդու նստեցնել, դուք ու ժողովուրդը գիտեք՝ ով»,- ասել է քաղաքացին։
Մանրամասները՝ տեսանյութում։
