Դատարանը վեց ամսով երկարաձգել է ՌԴ մերձմոսկովյան Crocus City Hall համերգասրահում տեղի ունեցած ահաբեկչական հարձակման գործով մեղադրյալների կալանքը, հայտնում է «Կոմերսանտը»-ը։
Նշվում է, որ կալանքը երկարաձգվել է մինչև 2026 թվականի հունվարի 7-ը։ Որոշումը վերաբերում է բոլոր 19 մեղադրյալներին, այդ թվում՝ ահաբեկչությունն իրականացրած 4 անձանց։
Crocus City Hall համերգասրահում ահաբեկչությունը տեղի էր ունեցել 2024 թվականի մարտի 22-ին։ ՌԴ քննչական կոմիտեի տվյալներով՝ զոհվել էր 146 մարդ։ Ձերբակալվածներից մեկը խոստովանել էր, որ ժամանել էր Թուրքիայից։
Մարտի 24-ին ՀՀ ԱԳՆ-ն հայտնել էր, որ ահաբեկչության հետևանքով Հայաստանի քաղաքացի է զոհվել։ ՌԴ ԱԻՆ ցուցակում ահաբեկչության զոհերի թվում էր Լիլիթ Խալիտի Իսրայելյանը։ Զոհերի թվում էր նաև հայազգի 35-ամյա Կարեն Ենգիբարյանը, որը մարդկանց էր փրկել այրվող շենքից և թունավորվել շմոլ գազից։
