«Աէրոֆլոտ» և «Ռոսիա» ավիաընկերությունները ՌԴ ավիացիոն իշխանություններից թույլտվություն են ստացել թռիչքներ իրականացնել դեպի Շիրակի մարզի Գյումրի քաղաք, հայտնել է Vestikavkaza.ru-ն։
Նշվում է, որ «Աէրոֆլոտ»-ը թույլտվություն է ստացել թռչելու դեպի Գյումրի՝ Միներալնիե Վոդիից (Ստավրոպոլի երկրամաս)։
«Աէրոֆլոտ»-ի դուստր «Ռոսիա» ավիաընկերությունը կկարողանա թռչել դեպի Գյումրի՝ Սոչիից (Կրասնոդարի երկրամաս)։ Երկու քաղաքներից էլ թռիչքների հաճախականությունն ամեն օր է։
2023 թվականի հոկտեմբերի 29-ից «Պոբեդա» ավիաընկերությունը մեկնարկել էր Սոչի-Գյումրի-Սոչի երթուղով չվերթերը։
