ՀՀ վարչապետ Նիկոլ Փաշինյանն աշխատանքային այցով ժամանել է Բրյուսել, հայտնել է կառավարության մամուլի ծառայությունը։
Ըստ հրապարակման՝ նա եռակողմ հանդիպում կունենա Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ: Փաշինյանը կհանդիպի նաև ԵՄ ընդլայնման հարցերով հանձնակատար Մարտա Կոսի և Բելգիայի վարչապետ Բարտ Դը Վեվերի հետ։
Վերջին անգամ Փաշինյանը Եվրոպայում մասնակցել էր Եվրոպական քաղաքական համայնքի 6-րդ հերթական գագաթնաժողովին Ալբանիայում։ Ավելի ուշ որոշվել էր Եվրոպական քաղաքական համայնքի 8-րդ գագաթնաժողովն (EPC) անցկացնել Հայաստանում 2026 թվականի գարնանը։
