Հուլիսի 9-13-ը Շվեդիայի Մալմո քաղաքում կայացել է WUKF (World Union of Karate-Do Federations) աշխարհի առաջնությունը, որտեղ Հայաստանը ներկայացրել է կարատեի աշխարհի և եվրոպայի չեմպիոն, MMA մարզաձևում 7/0 ռեկորդակիր, WKN վարկածի հաղթող Կամո Ունանյանը։
Մրցաշարի ընթացքում Ունանյանը հաղթանակ է տարել մի շարք փորձառու մարզիկների հետ մենամարտում, իսկ եզրափակչում գերազանցել է իտալացի մրցակցին և նվաճել Հայաստանի կարատեի պատմության մեջ առաջին WUKF վարկածով աշխարհի առաջնության ոսկե մեդալը։
Մրցաշարից առաջ մարզիկը մասնակցել է Դուբայում անցկացված ուսումնամարզական հավաքներին՝ լիովին կենտրոնանալով մարզումային գործընթացի վրա։
Խորվաթիայում կայացած առաջնությունում Ունանյանը շիտորյու ոճով նույնպես դարձել էր աշխարհի չեմպիոն։ Ունանյանի՝ 2025թ. մրցակցային պլանը շարունակում է մնալ հագեցած։ Առաջիկայում պատրաստվում է MMA մարզաձևում 2 մենամարտի, որից հետո կմասնակցի Ռիգայում կայանալիք WUKF վարկածով Եվրոպայի առաջնությանը։
