Շիրակի թեմի առաջնորդ, կալանքի տակ գտնվող Միքայել արքեպիսկոպոս Աջապահյանի պաշտպանների թիմը վարչապետ Նիկոլ Փաշինյանին մեղադրել է նախաքննությանը միջամտելու մեջ։
Պաշտպանների թիմի համար հիմք է հանդիսացել Փաշինյանի՝ հուլիսի 7-ի գրառումը, որտեղ նա հայտարարել էր, թե «Վաղարշապատ խոշորացված համայնքի որևէ տարածք չի կարող իրավապահների գործունեության համար փակ լինել»:
«Սրբազանի պաշտպանական թիմը Փաշինյանի հայտարարությունը գնահատում է որպես դատախազությանը և քննչական մարմնին ուղղված պատվեր կամ հանձնարարություն՝ Մայր Աթոռում դատավարական գործողություններ, խուզարկություն կամ ձերբակալություն իրականացնելու վերաբերյալ»,- ասված է պաշտպանների հայտարարության մեջ։
Ավելի ուշ Աջապահյանը կալանավայրից արձագանքել է Փաշինյանի գրառմանը և նրա արտահայտություները որակել «զրպարտություն ու սուտ Վեհափառ Հայրապետի, իր և Բագրատ սրբազանի հասցեին»։
Նա նշել է, որ, իր համոզմամբ, «Բագրատ սրբազանը ոչ մի ահաբեկչական խմբավորում էլ չի ստեղծել»։
«Հետևաբար ես չէի կարող գոյություն չունեցող որևէ բանի սատարել կամ մասնակցել, ուստիև Վեհափառ Հայրապետն էլ չէր կարող գոյություն չունեցող որևէ բանի հովանավորել»,- հավելել է Աջապահյանը։
Հունիսի 27-ին ԱԱԾ աշխատակիցները քննչական գործողություններ էին իրականացրել Շիրակի թեմի առաջնորդարանում և Ամենայն Հայոց կաթողիկոս Գարեգին Բ-ի նստավայրում։ Ուժայինները երկու ժամ ժամանակ էին տվել Աջապահյանին, որպեսզի ինքնակամ ներկայանա իրենց մոտ, հակառակ դեպքում՝ նրանք սպառնացել էին վերադառնալ և ուժային գրոհ սկսել Վեհարանի վրա։ Աջապահյանն ինքն էր գնացել Քննչական կոմիտե, կալանավորվել էր՝ իշխանության բռնազավթման հրապարակային կոչեր հնչեցնելու մեղադրանքով, ինչը չի ընդունում:
Կարդացեք նաև՝
Եթե Կտրիճ Ներսիսյանն ապօրինի է համարում Գալստանյանի և Աջապահյանի կալանավորումը, ուրեմն կիսում է հեղաշրջման պլանները. Փաշինյան
