Ռուսաստանի քննչական կոմիտեն բացահայտել է «Կրոկուս Սիթի Հոլ» համերգասրահում 2024-ի մարտին տեղի ունեցած ահաբեկչությունը և հայտարարել գործի քննության ավարտի մասին, գրել է «ՌԻԱ Նովոստին»՝ հղում անելով ՌԴ ՔԿ-ին։
«Համերգասրահում տեղի ունեցած ահաբեկչությունը ծրագրվել և իրականացվել է Ուկրաինայի իշխանությունների շահերից ելնելով՝ իրավիճակն ապակայունացնելու նպատակով»,- հավելել է Քննչական կոմիտեն:
Իրավապահ կառուցից ընդգծել են, որ գործով անցնող մի շարք մեղադրյալներ ծրագրել էին պայթեցնել Դաղստանի Հանրապետության Կասպիյսկ քաղաքի զվարճանքի համալիրը, սակայն այդ հանցագործությունը կանխվել է։
2024-ի մարտի 22-ի երեկոյան Մերձմոսկովյան շրջանում գտնվող համերգասրահում ահաբեկչություն էր տեղի ունեցել, ինչի հետևանքով զոհվել էր 144 մարդ։ Մոսկվայի Բասմանի դատարանը կալանավորել էր ահաբեկչության գործով 8 մեղադրյալի։
Ձերբակալվածներից մեկը խոստովանել էր, որ մարտի 4-ին ժամանել էր Թուրքիայից։ ՌԴ ԱԻՆ ցուցակում ահաբեկչության զոհերի թվում էր Լիլիթ Խալիտի Իսրայելյանը։ Զոհերի թվում էր նաև հայազգի 35-ամյա Կարեն Ենգիբարյանը, որը մարդկանց էր փրկել։
