Ապրիլի 3-ին Հայաստանի ֆուտբոլի ֆեդերացիայի նախագահ Արմեն Մելիքբեկյանը քառամյա ժամկետով ընտրվել է ՈւԵՖԱ-ի գործադիր կոմիտեի անդամի պաշտոնում, հայտնել է Հայաստանի ֆուտբոլի ֆեդերացին։
Ընտրությունը կայացել է Սերբիայի մայրաքաղաք Բելգրադում տեղի ունեցած ՈւԵՖԱ-ի 49-րդ կոնգրեսի շրջանակում։ ՀՖՖ նախագահն այդ պաշտոնում ընտրվել է ՈւԵՖԱ-ի անդամ 55 ասոցիացիայի ներկայացուցիչների քվեարկության արդյունքում։
Վերջին ամիսներին հայ երկրպագուները Հայաստանի ֆուտբոլի ազգային հավաքականի պարտություններից հետո պահանջում են Մելիքբեկյանի հրաժարականը։ Մարտի 25-ին «Փաստ»-ը գրել էր, որ վարչապետ Նիկոլ Փաշինյանն իր թիմին հանձնարարել է ֆուտբոլային հանրության հետ քննարկումներ սկսել՝ ֆեդերացիայի նոր նախագահի թեկնածության և, ընդհանրապես, «ստեղծված իրավիճակից դուրս գալու առաջարկներ հավաքելու նպատակով։
Դիտեք նաև Armenia Today-ի հարցումը՝ «Թիմային խաղի բացակայություն» և «ամեն ինչ արեցին». Երևանի բնակիչները գնահատում են Հայաստան-Վրաստան ֆուտբոլային հանդիպումների արդյունքները
