Միացյալ Նահանգները երախտագիտություն է հայտնում Հայաստանին և Ադրբեջանին՝ պատմական խաղաղության պայմանագրի շուրջ բանակցություններն ավարտելու համար, հայտարարություն է տարածել ԱՄՆ պետքարտուղար Մարկո Ռուբիոն:
Ըստ Ռուբիոյի՝ սա երկու երկրների համար հնարավորություն է շրջել բազմամյա հակամարտության էջը՝ համաձայն նախագահ Թրամփի՝ ավելի կայուն խաղաղության տեսլականի:
«Այժմ ժամանակն է ստանձնել խաղաղության հաստատման պարտավորություններ, ստորագրել ու վավերացնել միջազգային պայմանագիրը և բարգավաճման նոր դարաշրջան թևակոխել»,- ասված է հայտարարության մեջ:
Մարտի 13-ին Ադրբեջանի արտգործնախարար Ջեյհուն Բայրամովը հայտարարել էր, որ Երևանի և Բաքվի միջև խաղաղության պայմանագրի տեքստի շուրջ բանակցությունների գործընթացն արդեն ավարտված է։ Նրա խոսքով՝ հայկական կողմը հայտնել է, որ ընդունել է վերջին երկու կետերը, որոնք մինչ այժմ բաց էին։ Հայաստանի ԱԳՆ-ն հաստատել էր նախագծի հաստատման ավարտը և հայտարարել, որ Երևանը պատրաստ է Բաքվի հետ սկսել խորհրդակցություններ համաձայնագրի ստորագրման ժամկետների և վայրի շուրջ։
