2018 թվականի դեկտեմբերից մինչև 2024 թվականի դեկտեմբերը Հայաստանում ստեղծվել է 189 հազար նոր աշխատատեղ, սոցիալական ցանցի իր էջերում գրել է ՀՀ վարչապետ Նիկոլ Փաշինյանը։
Նա հայտնել է, որ նույն ժամանակահատվածում միջին աշխատավարձը հանրապետությունում աճել է 156 հազար դրամով կամ 70%-ով։
2024 թվականի հոկտեմբերին Պետական եկամուտների կոմիտեն հայտնել էր, որ եկամուտ ունեցող աշխատատեղերի թիվը Հայաստանում հասել է 779,1 հազարի, ինչը 48,8 հազարով կամ 6,7%-ով գերազանցում էր նախորդ տարվա հոկտեմբերի ցուցանիշը։ 2024 թվականի նոյեմբերի 22-ին Փաշինյանը հայտարարել էր, որ հոկտեմբերի տվյալներով՝ Հայաստանում բացարձակ ռեկորդ է սահմանվել աշխատավարձով ապահովված աշխատատեղերի քանակով։
